Report on Kutkai Church Dedication

Kutkai Nawku Jawng N-nan Dingshawng Shang ai Report

Karai Kasang a chyeju majaw, laiwa sai April, 25,2009 shani hta, Lahta Sammung, Kutkai lawk 2 e gaw gap tawn ai, “Sara kaba Lahpai Zau Yaw Masat Nawku Htingnu“ hpe, Karai Kasang a lata de ap nawng ai dingshawn kyuhpyi hpawng kaba hpe, hpung masha ni hte rau wu wu di di lu galaw la lu sai lam hpe sumla hte maran tsun shana dat nngai law.

N nga mat wa sai Sara Kaba Lahpai Zau Yaw gaw, Kutkai Nawku hpung hpe shaning law law up nawng gun hpai, lam madun lai wa sai hte KBC a Kutkai Chyum Jawng a jawng-up mung galaw lai wa sai re.
Ndai Nawku Htingnu hpe laiwa sai shaning shi ning jan kaw nna, galaw hpang sai hte, Kutkai buga hpung masha ni atsam dat jaw bang ai alu gumhpraw hte Myen mung kata J.W Hkalup Hpung Ginjaw (KBC snr JHZ) kata, alak mi hta lahkawn la lu ai alu gumhpraw ni hte gaw gap shakre la lu sai re. Karai Kasang a chyeju nan rai sai law.

Ndai masat Htingnu a hkrang (design) hpe Japan engineer langai soi ka shapraw ya sai rai nna, Myen mung kata hkik hkam dik ai nawku htingnu hkrang ni hta, ndai masat Htingnu mung langai re lam, nawku hpung masha ni kawn chye lu ai.

Ndai gaw, nawku dingshawn shaga laika re.





Yaw shada ai lawm gaw,

Mungkan kaw chyambra hkawm nga ai, tsawra ai Kutkai buga masha ni hte Chyu rum ai WP sha ni chye la nna, akyu hpyi shakawn na matu yaw shada let, ndai Report kadun hpe ka dat nngai re law.

Yawng a ntsa Wa Karai Kasang bau sin makawp maga nga ai WP myu sha ni tai nga u ga ngu akyu hpyi let,

Ja Mungdan